Year Ender Session

Malapit na matapos ang taon, naka-isang taon narin ako nag-uulat ng mga kalokohan sa blog nato at sa nangyayari sa eksena ng katimugang bahagi ng Maynila /Cavite /Laguna/Batangas, salamat sa mga indibidwal na naawa at na-curious kung ano ba ang mga pinagsususlat ko sa blogspot na ‘to. Kung babalikan nyo yung January blog ko, year opener yung Palibhasa Paranaque show review. Parang kelan lang noh?

2013 ang taon maraming grupo ang nag-release, marami ring kontrebersyal na nai-ulat sa blog na ‘to. At bago matapos ang taon dapat lahat magka-ayos, lahat dapat tanggalin ang bad vibes ng 2013!

Balikan natin mga highlights ng 2013.

IDB – Apat na taon at nagpapatuloy pa, tawagin nating tahanan dito sa manila south,lahat ng release party ng manila south scene ay dito lahat nangyari.  salamat kay chief Sharen at hindi ka pa nagsasara! Nagkapagtala ka ng kasaysayan sa Manila South. 

Continent records – sa pagkaka-alam ko sila lang ang active na record label sa south manila, label run by Tani Carino ang Jaime Abellar. Nag-release ng mga manila south bands (Neverdie, Import the World, Tom’s Story, Banat Boys etc.)  ilang compilation na pede ma-download ng libre sa bandcamp page ng label.

Legarda/monochrome/Tom’story split EP – history in the making para sa 3 grupo na nag-plano ng mahigit 3 taon para sa project na magkaroon ng split record. Para sa ultimate pinoy post grunge/shoegaze/metal/rock audio listening. Etchos! 

Pork barrel scam – isa sa mga highlights ng 2013, buong Pilipinas ang nakibahagi para maisawalat ang mga kababuyan ng mga pulitikong nakaupo sa pwesto.

Still ill compilation launch – malaking project na nakapag-release ng compilation ng HC/Punk mula sa iba’t-ibang region from Luzon to Mindanao. Salamat kay Atty. Mike Nuestro (head ng Still Ill Records) para sa efforts. Magandang ipakita sa buong mundo na active ang Philippine HC/Punk scene.

TSY “Between lunacy and You” EP launch – halos isang taon pa lang ang grupo, “super group” ba matatawag kung ex member ng mga banda-banda? Ang tingin ko medyo nag-sipagsipagan ang peg namin so within 1 year ay masasabi ko na achievement yung magkaroon ng music video at ep. Salamat sa lahat ng naniwala. 

Cebu tour – kasama namin (Legarda) ang Neverdie at Tom’s story sa tour para sa album launch ng cebu’s mighty Tiger Pussy. Sarap ng cebu lechon.

Import the world EP launch – South Manila’s cutest pop-punk ay nakapag-release din ng 4-song EP c/o Continent Records. Libre!

Walk me home EP’s, medyo naging tahimik sa eksena ang boys from Laguna, kaya naman pala dahil sa merong nilulutong record. Akala nyo ha?! Congrats kila Jade/Jeroze/Sep, para sakin kayo parin ang standard bearer ng Laguna indie-emo punk rock.

Neverdie’s the Life I Lead album launch – ang pinaka successful na grupo mula sa Manila South, nag-open lang naman sila sa Man Overboard. Dumadami na fans ng mga batang ‘to! Ano ba ‘to? Bagong henerasyon ng pogi punk bands?! To Tani and co. Tuloy-tuloy lang mga bata. Push lang ng push!

Redux concept gig sa IDB, minimal bands with long sets. Stay active and show that talent sa pagsusulat ng mga kanta.

Typhoon Yolanda – bago matapos ang taon at bago mag-pasko ay nakaranas ang Pilipinas ng pinaka malupit na trahedya na bumura ng isang probinsya sa mapa at kumitil ng 6,000 mahigit na buhay. Buong mundo ay nakiramay at tumulong para sa mga nasalanta ng bagyo. Naging relief drive din yung mga maliliit na shows para makatulong sa Yolanda victims. This shows na pede pala maging united ang buong mundo, sana hindi lang dahil sa trahedya diba?  

Aunt Audrey reunion show, after more than 10 years, nagsama ulit ang original members ng female fronted punk band from Laguna. 1998 nag-umpisa ang AA, usual na yung personal na dahilan (pag-ibig, trabaho at pamilya) kung bakit kumakalas sa banda. Nakakamiss din pala tumugtog at balikan yung mga kanta na nalimutan mo na sa paglipas ng panahon, salamat kila Bebot, Jordan, Anchi at Carl! Mabuhay kayo. 

Classic show flyer courtesy of Rogel Africa

GOO full length, ang matagal ko na pangarap makapag-release ay sa wakas natupad na, sayang nga lang at hindi ako nakapunta sa album launching ng Goo. Mabuti nalang at pumayag sila dumayo ng south para sa secong launch ng CD nila. Thank you guys!

Maraming naka-lineup sa pagdating ng 2014 at staple na yung mga year opener shows sa IDB. Inanabangan ko rin yung valentines show ng Lemuria dito sa Pinas courtesy of Still Ill. Expected din ang mga EP releases, compilation/samplers ng mga kids dito sa manila south. TSY’s 2^nd music video ay kasado narin so abang-abang lang. Asahan nyo rin yung mga cd review ng local releases next time.

Till next time folks! Masayang pasko at mapagpalayang bagong taon sa inyong lahat!