Sa wakas nagkaroon ng oras mag internet...

Hindi naman naging busy ang mamang ito, sa totoo lang me topak internet connection nitong nakaraang buwan, sa halip na mag tiyaga ako sa bagal ng connection eh mas minabuti ko pang mag-alaga ng mga bata at maglinis ng bahay bukod sa regular na routine tulad ng pagpasok sa trabaho at pagluluto.

Naging  aktibo rin kami sa EP launching ng TSY, maraming salamat nga pala sa sumuporta nung MV at EP launch, sobrang saya namin, hanggang ngayon me hang-over parin ako isang buwan na nakakalipas.

Hindi biro ang pagod/effort isama mo na yung gastos sa pag-release ng output ng banda, aba’y todo reklamo na kami sa gastusan (imagine nyo 100 copies lang inilabas naming ha?pano pa kaya kung 1000 copies?)

Lahat naman ay napalitan ng hindi mapapantayang kaligayahan, sabi nga sa mga DIY punk bands, sa efforts wala nga daw talaga kapalit yan, ika nga eh walang tulak-kabigin (puro nga lang tulak!) solb na solb ang lahat ng miyembro sa intense ng sumusuporta sa grupo.  Salamat sa lahat ng malilit na individual/grupo na niniwala at bumili ng mga paninda namin nung EP launch.

Isa rin sa ikinatutuwa ko yung recognition ng IDB bilang isang venue para sa mga independent artist sa south area. Ang sabi ko nga naging bahay na ito ng mga timog based (official house band ang TSY! Hindi kami tututgtog sa ibang lugar, kung gusto nyo kami mapanood aba’y dumayo kayo sa Sucat Paranque! Hahaha! Biro lang) ang totoo nyan ay ayaw kaming pakawalan ng may ari ng IDB – binabayaran kami ng limpak na salapi/alak at babae para exclusive na tumutog lang sa IDB.

Isa pang bago yung EP launch ng mga southern local pop-punkers Import The World, na-impress ako sa sound ng mga batang ‘to. And mind you...libre yung CD nila, para sakin it’s too good to be free, mga kids ipagpatuloy ang apoy ng POP-PUNK. Later i-review ko yung CD ng ITW. In my opinion, Hindi naman kailangan ”depensahan” ang pop punk dahil naniniwala ako hindi naman ito mamamatay.

Sa ibang balita, tuloy pagdayo ng Continent Record bands sa Cebu ngayong September, yep! Ang roster ng Continent Records karamihan mga taga south na Neverdie, Tom’Story at Legarda ay dadayo sa Cebu para makabakasyon at makasama ang mga visayan friends. Abang nalang sa mga date at schedule ng tugtog.

Isa pang malaking balita ang paglabas ng Philippine compilation ngayong August mula sa Still Ill: Movin Up, Movin On! 18 bands, 71 minutes of the best new local hardcore punk bands from the Philippines, isang malaking project na maipapakalat sa buong mundo para mai-showcase yung mga Pinoy DIY punk bands. Congrats in advance sa Still Ill para sa proyektong ito.

Sa mga susunod na buwan marami pa  aabangan sa Manila south and other areas as well,  ang inaabanangan ko yung release ng isa sa mga influential sakin, 90’s power-punk band from Marikina – GOO! Balita ko malapit na ito mailabas, yung full-length album ng Neverdie baka sa September, direktang na-ichika sakin ng bokalista ng Walk Me Home na mag-uumpisa narin sila mag-record para sa upcoming release at lingo-linggong show sa IDB, mostly mga UG metal show. Makibalita at Makibahagi sa local na eksena.

Para sa mga karagdagang balita, i-google nyo at i-like yung mga page, sorry wala akong facebook kaya hindi ko kayo mai-add para maging friend ok?

-       Neverdieph

-       The skeleton years

-       Crapsalad videos

-       Walk me home laguna

-       Legarda

-       Continent records

-       Goo

-       Still Ill Hardcore distro